كشفت الممثلة المصرية سوسن بدر عن موقف محرج تعرضت له مؤخراً، وذلك خلال وجودها في أحد المحال التجارية، إذ قامت سيدة بالتنمر عليها وشتمها بسبب إطلالتها، وقالت :"بعد ما عملت اللوك ده لقيت سيدة وبدون أي مقدمات اتنمرت عليا وبعدين بصتلي بصة كلها شر وراحت شتماني شتيمة مش هينفع أقولها طبعا من سيدة زي زيها مقاربة ليا في العمر وبتلبس كويس بصتلي وأنا في السوبر ماركت وقالتلي بحدة شتيمة وحشة أوي".
وعن ردة فعلها قالت: "لقيتها سنها زيي ولابسة وعاملة شعرها سألتها هو أنا عملت مثلك وشتمتك وعلقت على لبسك ولون شعرك؟"، مردفة: "مش عارفة إيه حصل للشخصية المصرية طرأت عليها تغييرات ومش عارفة ده ليه علاقة بالأجيال الجديدة ولا إيه".
وأضافت :"مش هتدفنونا بالحياة أنا لا أخشى من التنمر لأن شكلي وشخصيتي تعكس قناعتي في الأمر الواقع"، مبينة: "إحنا هنكبر والصغير النهاردة بكرة هيكبر وكل سن وليه بهجته وجماله واللي بيتنمر النهاردة هيكبر بكرة أنا من حقي أعيش، أنا وغيري سواء كفنانة أو أي ست بتكبر محامية أو طبيبة أو غيره".
وعن شعرها الأبيض قالت خلال مقابلة لها في برنامج "القاهرة الآن" مع الإعلامية لميس الحديدي: "دلوقتي شكلي كده ومن عشر سنين مكنش كده، عايزة أبان زي ما أنا وشكلي لا يقلقني ولا الشعر الأبيض والخطوط اللي تحت العين لأن دي التجربة الحياتية اللي عشتها، أهم حاجة نبص في المرايا ونكون مرتاحين".
وإستطردت سوسن قائلة: "تركي لشعري الأبيض ناتج عن قناعتي وأنا أقف أمام الكاميرا وبعمل أم مصرية عادية جدًا لبنت في الثلاثينات، أكيد شعرها أبيض".
